Türkiyənin baş naziri Ərdoğan, Azərbaycanın təbii qaz qiymətinin artımına sərt reaksiya verdi. Ərdoğan; "Dollar düşərkən artım edilməsi çox düşündürücüdür" dedi. Azərbaycan, Türkiyəyə satdığı təbii qazın qiymətini artırma qərarı alıb və hələ təsbit edilməyən yeni qiymətin, hesablara 15 Aprel başlanğıc qəbul edilərək əks etdiriləcəyini açıqlamışdı.

Azərbaycan Dövlət Neft Şirkətinin (SOCAR) başçısı Rövnəq Abdullayev, bu mövzuda Türkiyə ilə görüşmələrin davam etdiyini söylədi.

Türkmənistanın paytaxtı Aşqabatda edilən konfrans çərçivəsində Türkiyənin Enerji Nazirliyi və Botaş Şirkəti ilə müzakirələr edildiyini ifadə edən Abdullayev, bu günə qədər Türkiyəyə kub metri 120 dollardan satılan təbii qazın artımlı yeni qiymətinin 15 Aprel başlanğıc qəbul edilərək hesablara əks etdiriləcəyini bildirdi. SOCAR Başçısı, "Bilirsiniz 2001-ci ildə Şahdəniz razılaşması çox geniş iştiraklı imzalanmışdı. O zaman biz Rusiyadan 30 dollara qaz aldığımızda, Türkiyə ilə də 120 dollardan təbii qaz satmaq üçün müqavilə bağlamışdıq. İndi bu muqavilə köhnəldi. Qiymətlər çox yüksəldi" dedi.